ចុះវិស័យអប់រំឯកជននៅកម្ពុជាកំពុងតែ​ត្រូវ​បាន​ត្រួត​ពិនិត្យ និង​រៀបចំដោយ​អ្នក​ណា ? វិទ្យាស្ថាន, សាកលវិទ្យាល័យ​, មជ្ឍមណ្ឌលបណ្តុះបណ្តាលដែលកំពុង​រីក​ដុះដាល​ដូចផ្សិត​នៅក្រុង​ភ្នំពេញ តើគេកំពុង​សម្លឹង​មើលអតិបរិមានៃការ​ដាក់​តម្លៃសិក្សាលើនិស្សិត​ខ្មែរដល់​កំរិត​ណាទៅ?

នៅស្រុក​គេក្មេងៗមាន​ចំណេះដឹង​ IT តាំងពីក្មេងៗ ប្រាក់​ចំណូលក៏ខ្ពស់ មធ្យោបាយ​នៃការ​រៀនសូត្រងាយស្រួល​ និង​បរិយាកាស​នៃការ​អនុវត្តន៏ក៏ទូលំទូលាយ ហេតុដូច្នេះហើយ បាន​ជា​សាលាយក​តម្លៃថ្លៃ។ វគ្គសិក្សា​ទាំងនោះមានដូចជា  ( Microsoft Training Course, CISCO, Linux ,……) បាន​ហូរ​ចូល​មក​ស្រុក​ខ្មែរ​ ​បើក​ចំហរយ៉ាងគគ្រឹកគគ្រេង តើ​អ្នក​ទាំងនោះ​មានធ្លាប់​​គិត​ដល់​ សម្ថតភាព និង​លទ្ធភាព​របស់​និស្សិត​នៅកម្ពុជា​ដែរ​ឬទេ???

ខ្ញុំទទួលស្គាល់​ថា​វាជា សញ្ញាប័ត្រ​ទទួល​ស្គាល់​ជា​អន្តរជាតិ ប៉ុន្តែអ្នកទាំងអស់​គ្នា​គួរ​គិត​ដល់​ភាពខុស​គ្នា​រវាង​និស្សិត​ស្រុក​ខ្មែរ និង​និស្សិត​បរទេស​ផង!!! ចំណេះដឹង បទពិសោធន៍ និង​ធនធាន(លុយ) សម្រាប់​និស្សិត​ខ្មែរ​យើងមិនទាន់​គ្រប់​គ្រាន់​នឹង​រៀនស្មើរ​នឹង​ពួក​បរទេស​ទេ។

ថ្វីត្បិត​ស្រុក​យើង​​កំពុង​តែ​រីក​ចម្រើន និង​កំពុងត្រូវ​ការ​អ្នក​ចេះផ្នែក​ទាំងនោះ​ច្រើន​យ៉ាង​ណា​ក៏​ដោយ ខ្ញុំសូម​និយាយថា ការ​ចំណាយ​ក្នុង​ការ​រៀនយក​សញ្ញាប័ត្រទាំងនោះ និង​ចំណូល​ការ​ងារ​បន្ទាប់​ពីរៀន​ហើយ មិន​ទាន់​សមមាត​គ្នា​ទេ។

Training Source:

http://netitraining.com/?nav=courses

http://www.sunriseinformatics.com/upcoming.php?upcomingid=37693cfc748049e45d87b8c7d8b9aacd#

http://www.yejj.com/training/

កំហុស​ឆ្គងមួយធំ ដែលតែងតែកើត​មាន​នៅក្មុង​កម្មវិធីផ្សេង​ៗដូចជា Skype,  Yahoo, Tango…

-នៅពេលដៃគូរម្ខាង​កំពុង online , ភ្លាម​នោះគេក៏​ដាច់ Internet ឬបិទកម្មវិធីនោះចេញ, ជាធម្មតា​យើង​នឹងឃើញ Contact ម្នាក់​នោះ Offline តែបែរ​ជាបង្ហាញ online ដដែល, មិនត្រឹមតែប៉ុណ្ណោះថែមទាំងអាច​ចុច Chat, ឬ Call បាន​ទៀត​ផង តែធាតុពិត​ដៃ​គូរម្ខាង​ទៀត​មិនដឹង​ទៅដល់​ណាបាត់​ទៅហើយ។

និយាយមកកម្មវិធី Fring វិញគឺ​មិនមានបញ្ហាខាង​លើ​ទេ! ចំណុច​ពិសេស​របស់​ Fring គឺយើង​អាច​ online សេវាកម្មផ្សេងៗក្នុង​ពេលតែមួយ​បានដូចជា Yahoo, Google , Live…. ថែម​ទៀត​ផង (បានតែ Chat ប៉ុណ្ណោះ)។

ដើម្បីដំឡើង Fring នៅក្នុង​ Android គឺគ្រាន់តែចូលក្នុង​កម្មវិធី Market > Search > Fring ។

អានបន្ថែម

របៀប​នៃការ​លួច​របស់​ចោរ:

ដំបូង​ម្ចាស់​ម៉ូតូ​ បាន​មកឈប់​មុខ​ហាងថត​រូប SPK Fuji  ហើយ​និយាយ​ទូរស័ព្ទនៅជិត​ម៉ូតូ​ជិត​ ១០​នាទី ទើប​ដើរ​ចូលក្នុង​ហាងដើម្បីធ្វើ​ការ​ងារ​ខ្លួន ។ ស្រប​ពេល​ដែល​ដើរ​ចូល​មិន​ទាន់​បាន ២នាទីផង ស្រាប់​តែមាន​ជន​ម្នាក់​កំពស់​ប្រហែលជា 1.65 ពាក់​អាវ​យឺតពណ៌ខោវ ស្លោក​ខោរ​ជើង​វែង​ពណ៌រាង​ក្រម៉ៅ​ ពាក់​ស្បែកជើង​ប៊ូ សក់​ក្បាលរួញ​ៗខ្លី ក្បាលឆក​សង​ខាង បាន​ដើរ​ចូល​មុខ​ជិត​ដល់​ក្នុង​ហាង ។

បន្ទាប់​មក​វា​ធ្វើ​ជាដក​ទូរស័ព្ទមក​និយាយ ហើយ​ដើរ​ចុះដើរ​ឡើង​ រួច​ក៏​សំដៅទៅជិត​ម៉ូតូសង់​ ០៥​នោះ។

មិន​បង្អង់​យូរ​ ចោរ​ក៏​ចាប់​ទាញ​ម៉ូតូ​ចេញ​មកខាង​ក្រៅ​ ដើម្បីងាយ​ស្រួល​កាច់​សោរ​-ក។ រួច​​ក៏​ធ្វើ​ជា​អង្គុយ​លើ​ម៉ូតូ​មើល​លិច​មើល​កើត ហើយ​ក៏​លូក​ហោបៅទាញ យក​ប្រដាប់​កាច់​សោរ​-ក​ មកចាក់​ចូល​សោរ​រួច​ប្រើ​ដៃ​ទាំងពីរ​កាច់​បំបាក់​សោរ​តែ​មួយ​ពព្រិចភ្នែក​តែប៉ុណ្នោះ។

ក្រោយ​ពីកាច់​សោរ​-ក ​វាក៏ដើរ​ចេញពី​ម៉ូតូបន្តិច​ ដើម្បីកុំអោយ​គេ​សង្ស័យ រួច​ក៏​បក​មកអង្គុយ​លើម៉ូតូវិញ ពាក់ក​មួក​សុវត្ថិភាព​ដែល​មាន​ស្រាប់​ ហើយ​ដេរបញ្ឆេះ​ជិះចេញ​ទៅខាង​ស្តាំ (ទៅផ្សាថ្មី) ប្រុយ​!

ខាង​ក្រោម​ជា​វីដេអូរនៃការ​លួច​ម៉ូតូ​ដែលចាប់​បានដោយ​កាម៉េរ៉ា​ខាង​មុខ​ហាង​ SPK ថត​រូប​ ផ្លូវ​មុន្នីវង្ស​ ជិត​វត្តកោះ។

ក្រោយ​ពីមើល​ហើយ ខ្ញុំ​មាន​តែពាក្យ​ដល់​ប្រជាពលរដ្ឋទាំងអស់​មេត្តា​យក​ចិត្ត​ទុក​ដាក់ និង​ប្រុង​ប្រយ័ត្នន​ខ្ពស់លើ​សម្បត្តិ​ទ្រព្យ​របស់​ខ្លួន​គ្រប់​ពេល​វេលា។​ ខ្ញុំសង្ឃឹម​ថា​ប៉ូលិស​និង​អាច​កំណត់​មុខ​សញ្ញា​ចោរ​បាន បន្ទាប់​ពីមើល​វីដេអូរ​សកម្មភាពនេះហើយ។

ពេលដែល​ចុចប៊ូតុង View Instructions, វា​នឹង​អោយ​យើង​រើស​ប្រព័ន្ធ​ទូរស័ព្ទដែល​យើង​ប្រើ, សម្រាប់​អ្នក​ប្រើ qb ប៉ុណ្នោះ។

បន្ទាប់​មក​តម្រូវ​អោយ​យើង​វាយលេខ​ទូរស័ព្ទ , គួរ​អោយស្តាយ​ខ្ញុំអត់​មាន​លេខ qb ទេ ។ សង្ឃឹម​ថា​អ្នក​ដែល​ប្រើ qb អាច​សាកល្បង​បាន ថា​តើ​វា​ពិត​ជា​មិន​គិត​លុយ​មែន​ដែរ​ឬទេ។

សែក​នេះ​ចេញ​ដំណើរ​ពីអាមេរិកតាំង​ពីថ្ងៃ ២៥ ខែ ឧសភា ​ហើយ​មក​ដល់​ដៃ​ខ្ញុំ ថ្ងៃ​ទី ២៤ ខែ​មិថុនា ឃើញថា​ពិតជា​ត្រឹម​ត្រូវ​តាម​ការ​កំណត់​របស់ក្រុម​ហ៊ុន Google មែន។

ខាង​ក្រោម​ជា​សែក​ដែល​បញ្ជាក់​ពីចំនួន​លុយ អ្នក​ទទួល​ អ្នក​ផ្ញើរ​ និង​កន្លែង​ដែល​អាច​បើក​បាន។

ថ្ងៃច័ន្ទ​ស្អែក​នឹង​យក​ទៅបើក​នៅ​ធនាគា​ហើយ តាម​រយះធនាគា​ ABA គាត់​បាន​ប្រាប់​ថាសែក​ក្រៅប្រទេស​នេះ​បើ​ចង់​បើក​ទាល់​តែ​ចាំ​រយះ​ពេលពី 3-4 សប្តាហ៍ ហើយ​ថ្លៃ​សេវាកម្ម​ដក​លុយ​អោយ​គឺ 25$ តែ​បើ​ចង់​បានលុយ​ភ្លាម​គឺ​ត្រូវ​កាត់​ថ្លៃ​សេវាកម្ម 45$ ។ មើល​ទៅខ្ញុំ​ប្រហែលជា​ត្រូវ​ចាំ​មួយ​ខែ​ហើយ​មើល​ទៅ ក្រែង​បាន​សល់​ខ្លះ​ទុក​ពួក​ម៉ាក​ផឹក​កាហ្វេ។

លោក​បង Google Adsense និយាយ​ថាត្រូវ​រង់​ចាំ ២ ទៅ ៣​ សប្តាហ៍ បាន​សែក​ណ្នឹង​មកដល់។ hmmm… មិន​ដឹង​ជា​មក​ដល់​តាម​ផ្លូវ​ណា​ទេ​ខ្ញុំ​… ​ឬ​ក៏ត្រូវ​ទើរ​ត្រឹម​ក្រសួង​ប្រៃ​សនីយ៍ ដូច​កាល​ផ្ញើរ​លេខ​កូដ​លើក​មុន​ដែរ​អត់​ទេ…

ដោយ​ឡែក​ពេល​ខ្ញុំ​សាកល្បង​ស្វែង​រក​ក្នុង Google អំពី​វចនា​នុក្រម​នេះ ហាក់​ដូច​ជា​ស្ងាត់​ឈឹង​ មិនសូវ​មាន​កន្លែង​ Download សោះ ! ដូច្នេះ​ដើម្បី​អោយ​ការ​ស្វែង​រកក្នុង​អ៊ិនធឺណិត​ទាក់​ទង​នឹង​ស្រុក​ខ្មែរ​យើងកាន់​តែមាន​​ប្រសិទ្ធភាព ខ្ញុំ​សម្រេច​ចិត្ត​ Upload វា​ចូល​ក្នុង Hosting របស់​ខ្ញុំ​ ហើយ​ចែក​អោយ​បងប្អូន​ដែល​ត្រូវ​ការ​វា​ យក​ទៅ​ប្រើ​ប្រាស់​ចុះ។

ថ្វីត្បិត​តែ​វា​រាង​ចំណាស់​បន្តិច​មែន តែ​រហូត​មក​ដល់​ Windows 7 ហើយ​ វា​នៅ​តែ​អាច​ដំឡើង​និង​ប្រើ​បាន​ជា​ធម្មតា។

ទាញ​យកវចនានុក្រម​ Orkida

ខ្ញុំ​ជាអ្នកចូលចិត្តអ្វីដែលល្អៗ
ខ្ញុំ​មិនរើសអើង​បច្ចេកវិទ្យាអ្វីនោះទេ តែខ្ញុំសូមលើកយកឧទាហរណ៍មួយ
iPhone ក្រុមហ៊ុន​គេមិនចង់អោយប្រើ​ផង នាំគា្នប្រើ
ទៅខំ Unlock ជេលប្រេក ហើយមានខ្លះ
ដោយចង់បានអាសេរីថ្មីពេក ទៅទិញអាថ្មី ដែលគេមិនទាន់អាច Unlock ជេលប្រេក បានផងនោះ
យកមដេកអោប។ រហូតទាលតែគេ ប្រើស៊ីមរបស់គេគឺ Micro Sim អាស៊ីតូច
នៅតែមិនអាចឃាត់បាន យកស៊ីអោយគេកាត់ឡើងតូចអស់
មានអ្នកខ្លះខំប្រឹងកែឆ្នៃ អោយiPhone មានមឺនុយ ជាអក្សរខ្មែរ
សូមទទួលស្គាល់ការដែលអក្សរខ្មែរមាននៅលើឧបករណ៍ចល័ត
សួរថាមានអ្នកប្រើ IPhone ប៉ុន្មាន​អ្នក នៅស្រុកខ្មែរដែរប្រើ??????
ហើយចុះអ្នកដែលប្រលាញ់Linux សួរទៀតថា Adroid មិន​មែនជា Linux ទេឬ?????
បានជាមកដល់ពេលនឹងហើយ​នៅតែមិនអាចដំណើរ​ការ Unicode Khmer បាន
ហើយ Adroid ជាOS ដែលបើកចំហរ ប៉ុន្តែ​មិនទាន់បានលឺថាកូនខ្មែរនាំគ្នាបកប្រែសោះ
និយាយរឿង​បក​ប្រែ នាំគ្នាបកអីក៏បកចុះ ប៉ុន្តែសួរថាមាន​អ្នក​គាំទ្រដែរឬទេ???
ខ្ញុំគិតថា អ្នកប្រើគេមិនចង់បានអ្វីដែលមិនកំពូលនោះទេ ដូចជា Windows
Windows នេះ គឺគេមិនគិតលុយនិង​មិនរករឿងអ្នកប្រើតាមផ្ទះទេ ព្រោះអ្វី??
បើគេចង់គិតលុយអ្នក​នៅស្រុកខ្មែរ​ដែរជាស្រុកអ្នកប្រើSoftware Copy
ហេតុអ្វីគេបកប្រែ Windows 7 , Office 2007 ជាភាសាខ្មែរអោយយើងធ្វើអ្វី
បើអ្នកនៅស្រុកខ្មែរ រកតែលុយទិញDVD Software តម្លៃ 10000រៀល ទៅ​ 4ដុល្លា
មិនចង់ទាន់ផងនឹងបានលុយឯណាទៅទិញ ​Windows ដែលមាន ឡាយស៊ិនទៀតនោះ
សូមគិតទៅ សូមគិតទៅ សូមគិតទៅ សូមគិតទៅ សូមគិតទៅ សូមគិតទៅ
សូមកុំបែកឆ្វេងបែកស្តាំអោយគេវង្វេងតាមអោយសោះ
មនុស្សក្នុងពិភពលោកភាគច្រើននាំគ្នាប្រើ Windows សួរថាគេនឹងចេះមិនដល់ខ្លួនឬ ???
បានជាខំបង្កើតបកប្រែ (MoonOS) (Suse OS) រួចនាំគ្នាសោយរាជទាំងមិនមានអ្នកគាំទ្រ
ធ្វើអីក៏ធ្វើចុះ តែសូមគិតថាការងារណាត្រូវធ្វើមុន ការងារណាត្រូវធ្វើក្រោយ
ធ្វើអីក៏ធ្វើចុះ តែសូមគិតថាការងារណាមានប្រយោជន៍សំរាប់មនុស្សរួម ការងារណា​មានប្រយោជន៍សំរាប់មនុស្សមួយក្តាប់តូច
ធ្វើអីក៏ធ្វើចុះ តែសូមគិតថាការងារណាថោក(iPhone) ការងារណាថ្លៃ (Adroid, Windows Phone…)
បើអ្នកជាខ្មែរសូមកុំខឹង

ខ្ញុំ​មិន​ជំទាស់​​នឹងមតិរបស់ស្ថានីយ​ខ្មែរទាញយកនោះទេ ព្រោះវា​ជា​គំនិត​សម​ហេតុ​ផល​ម្យ៉ាង​ដែល​យើង​គ្រប់​គ្នា​គួរ​ពិចារណាផងដែរ។​ តែ​ទោះជា​យ៉ាង​ណា​ក៏​ដោយ ខ្ញុំសូម​លើ​យក​ហេតុ​ផល​មួយ​ចំនួន​ដែលស្ថានីយ​ខ្មែរទាញយកគួរ​តែ​ពិចារណា​វិញខ្លះដូចជា :

1-ហេតុអ្វីបាន​ស្រុក​ខ្មែរ​និយម​ប្រើ​ប្រាស់ iPhone ហើយអ្នក​សរសេរ​កម្មវិធី​នាំគ្នា​ខំ​បង្កើត​ Khmer Unicode, Dictionary ឬកែ​ប្រែ Menu ជាភាសាខ្មែរ​ម្ល៉េះ?
-iPhone នៅស្រុក​គេ​គឺ​លក់​ដោយ​ដាក់​កុង​ត្រា​ប្រើ​ប្រាស់​សេវាកម្ម​ទូរស័ព្ទ​របស់​ក្រុម​ហ៊ុន​ណាមួយ ដូចជា​ក្រុម​ហ៊ុន​ Hello នៅស្រុក​ខ្មែរ​យើង​គេ​លក់ Blackbery អញ្ចឹង​ដែរ។ មិនមែនក្រុម​ហ៊ុន Apple មិន​ចង់​អោយ​ស្រុក​ខ្មែរ​យើង​ប្រើទេ ប្រទេស​ណា​ក៏​ដោយ ​ក៏អាច​ប្រើ​បាន​ដែរ​ តែ​ត្រូវ​បង់​លុយ​ផ្តាច់​លើ​តម្លៃ​ទូរស័ព្ទទើប​គេ​ដោះ​សោរ​ដើម្បីប្រើ​ជាមួយ​ប្រព័ន្ធ​សេវាកម្ម​ផ្សេង​ៗបាន។ នៅស្រុក​ខ្មែរ​យើង​និយម​ប្រើ​វា ដោយសារ​តែ​វា​ថ្លៃ មាន​សត្ថភាព ងាយ​ស្រួល​ប្រើ​ ទាន់​សម័យ និង​ការ​ពេញនិយម​តៗគ្នា។​ ចំពោះអ្នក​ដែល​ទិញ​ទូរស័ព្ទ​ដែល​ជាប់​សោរ​ រួច​យក​ដោះ Jailbreak, កាត់​ស៊ីម​ដាក់ នៅស្រុក​ខ្មែរ ព្រោះគេ​ចង់​ចំណេញ​ច្រើន។

ចំណែក​អ្នក​បង្កើត​កម្មវិធី​នាំ​គ្នា​ខំ​បង្កើត​ Khmer Unicode , Dictionary សម្រាប់​ទូរស័ព្ទ iPhone​ ព្រោះតែ​គិត​ថា​មានអ្នក​ប្រើ​ប្រាស់​វា​ច្រើន​ តម្រូវ​ការ​ច្រើន ដូច្នេះ​ចំណូល​នៃ​ការ​លក់​ក៏​នឹង​ទទួល​បាន​ច្រើន​ដែរ។ ប៉ុន្តែពួក​គេ​អាច​បង្កើត​ Khmer Unicode សំរាប់​ iPhone បាន​ដោយ​សារ​តែ iOS វា​ស្គាល់ Complex Script ដែល​ជា​ Script​ សម្រាប់​បក​ប្រែ​ភាសាប្រភេទអក្សរ​ Unicode ។

បក​មក​ Android OS វិញ គឺមិនមែនពួក​គេ​មិន​ចង់​សរសេរទេ​ គឺសរសេរ​មិន​កើត ដោយ​សារ​ Android OS អត់​ទាន់​ស្គាល់ Complex Script ទេ។ ថ្ដែល​បញ្ហា​នេះ មិន​មែន​មាន​តែយើង​ទេ គឺ​គ្រប់​ប្រទេស​ដែល​ប្រើ​អក្សរ​ប្រភេទ Unicode Character។
2-ខ្ញុំ​សូម​ចាប់​យក​សំនួរ​ខ្លះ​ពី​យោបល់​ខាង​លើ​ដូចជា :

-ហេតុអ្វី​មិន​នាំគ្នា​ប្រើ​ Windows បន្ត​ទៀត ព្រោះ​មិន​ទាន់​មាន​គេ​រក​រឿង​អីឯ​ណា?

-តើ​ខ្មែរ​មាន​លុយ​ឯ​ណា​ទៅ​ទិញកម្មវិធី License បើ​គ្រាន់​តែ CD តម្លៃពី 3-4$ មិន​ទាំង​ចង់​ទិញផង?

-ហេតុ​អ្វីនាំគ្នា​ប្រើ ឬបក​ប្រែ MoonOS, SUSE ធ្វើ​អ្វី​ បើ​មិន​ទាំង​មាន​អ្នក​គាំទ្រ​ផង​នោះ?

បើ​ខាង​លើនេះ​ជា​យោបល់​ និង​ការ​ណែ​នាំ​របស់​ KhmerDLStation ខ្ញុំសូម​និយាយ​ថា​វា​មិន​ត្រឹម​ត្រូវ​នោះ​ទេ ហើយ​គួរ​តែ​ពិចារ​ណា​លើ​ចំនុច​ខាងក្រោមដូចជា:

-Windows ឬ Office គឺ​ជា​កម្មវិធី​គិត​លុយ តែ​ហេតុអ្វីយើង​នៅស្រុក​ខ្មែរ​អាច​ប្រើ​បាន​ដោយ​មិន​ចាំបាច់​បង់​លុយ? សូម​បញ្ជាក់​ថា​យើង​អាច​ប្រើ​បាន​ចំពោះ​ការ​ប្រើ​ប្រាស់​ធម្មតាតាម​ផ្ទះ​ អ្នក​បញ្ចូល​បទ​ភ្លេង​តាម​ផ្លូវ ឬ​តាម​ស្រុក​ស្រែ​ទេ តែ​បើ​ក្រលេក​មើល​ទៅ​ក្រុម​ហ៊ុន​ធំៗ​ដូចជា ធនាគារជា​ដើម តើ​គេ​ហ៊ាន​ប្រើ​ប្រាស់​ដោយ​មិន​ចាំបាច់​បង់​ថ្លៃ​ដែរ​ឬទេ? ខ្ញុំសូម​និយាយ​ថា​ពួក​គេ​ពិត​ជា​មិន​ហ៊ាន​ប្រើ​ប្រាស់​ដាច់​ខាត ទោះបីជា​នៅស្រុក​ខ្មែរ​មិនទាន់​មាន​អជ្ញា​ធរគ្រប់​គ្រង​លើ​ផ្នែក​ License ក៏​ដោយ។ សួរ​ថា​ហេតុអ្វី ? ព្រោះ​គេមិន​ដែល​ធ្វើ​នំ​អត់​ម្សៅ​ទេ! អ្នក​ឯង​ចង់​មាន​ផលិត​ផល​លក់ អ្នក​ឯង​ត្រូវ​តែទិញ​វត្ថុ​ធាតុ​ដើម​ដើម្បី​ផលិត មិន​មែន​ទៅ​លួច​ដក​ដំឡូវ​គេ​ រួច​យក​មក​កិន​ធ្វើ​ម្សៅ​មី​លក់​អោយ​គេ​នោះទេ!

ដូច្នេះ​ប្រសិន​ជា​ធនាគារ​ណ្នឹង​គេ​មាន​លុយ​ច្រើន​ គេ​ប្រា​កដ​ជាត្រូវ​ទិញ​ Windows License ឬ Office license ដើម្បី​ប្រើ​ប្រាស់​ក្នុង​ការ​ងារ​ហើយ តែ​បើ​អនុវត្ត​លើ​វិធីសាស្រ្ត​សន្សំចំចៃ​វិញ គេ​ប្រហែល​ជា​​ងាក​មក​ប្រើ​ប្រាស់ Open Source ដូច​ជា uBuntu , SuSe, ឬ Moon OS ដោយ​ហេតុ​នេះ​ហើយ ពេល​គេ​រើស​បុគ្គលិក ក៏​គេ​តម្រូវ​អោយ​យើង​ចេះ​ប្រើពពួក Open Source ទាំង​នោះ​ខ្លះដែរ ទើប​គេ​ទទួល តែបើ​យើង​មួយៗ​នាំ​គ្នា​ចេះ​តែ Windows តើ​គេ​នឹង​ទទួល​យើង​ដែរ​ឬ​ទេ ហើយ​បើ​គេ​ទទួល​តើ​យើង​អាច​ធ្វើ​ការ​អោយ​គេ​បាន​អត់។ នេះ​ជា​ឧទា​ហរណ៍ដ៏តូច​មួយ​សំរាប់​ធនា​គាមួយ ចុះ​បើ​ពេល​ខាង​មុខ​ស្ថា​ប័ន​រដ្ឋ​ទាំង​មូល​វិញ​តើ​នឹង​មាន​អ្វី​ខ្លះ​កើត​ឡើង​? តើ​យក​លុយ​ទៅ​ទិញ​ Software License ឬ​យក​លុយ​ទៅ​ធ្វើ​ផ្លូវ​ថ្នល់​ សាលា​រៀន​ មន្ទី​រពេទ្យ​… អោយ​គ្រប់​តម្រូវ​ការ​ប្រជា​ពល​រដ្ឋ​ទូទាំង​ប្រទេស?

-ចំពោះប្រជា​ពល​រដ្ឋ​ខ្មែរ​យើង​នៅ​ទី​ក្រុង​ភ្នំពេញកុំនិយាយ​ថា​អត់​មាន​លុយ​ទិញ​កម្មវិធី​ស្រប​ច្បាប់ ! គុយ​ទាវ​ពេល​ព្រឹក​១ចាន កាហ្វេ​មួយ​កែវ បង្អែម​មួយ​ចាន និង​ចាក់​សាំង​មួយលីត្រ​ក៏ អស់​ 5$ជាងដែរ​យ៉ាង​តិច ហើយ​បើ​ទៅ​ផឹក​ស៊ី​ម្តង​ក៏​ស្មើរ​នឹង​តម្លៃ​កម្មវិធី​មួយ​បាត់​ទៅ​ហើយ។ បើ​ចេញ​ពី​គំនិត​ខ្ញុំ គឺ​បើ​អ្នក​ទាំងអស់​គ្នា​មាន​លុយ​​ គួរ​តែ​ទិញ​កម្មវិធី​ដែល​មាន​ License ត្រឹម​ត្រូវប្រើ​ចុះ ព្រោះវា​ជា​កម្មវិធីដែល​គេ​និយមប្រើ ហើយ​យើង​ទម្លាប់​ជាមួយ​វា​យូរ​មកហើយ​​។ ផ្ទុយ​មក​វិញ ទោះ​បីជា​យើង​មាន​លុយ​ច្រើន​ក៏័ដោយ ដើម្បី​ជា​ការ​សន្សំចំចៃ​សម្រាប់​ខ្លួន​យើង​ផង គ្រួសារ​យើង​ផង ក៏​ដូច​ជា​សង្គម​ជាតិ​ទាំង​មូល​ផង​នោះ យើង​គួរ​តែ​ងាក​មក​សាកល្បង​ប្រើ​ពពួក Open Source ​។ ការ​ងារ​មួយ​ចំនួន​ដែល​អាច​ជំនួស​បាន​ដោយ Open Source យើង​គួរ​តែ​ព្យាយាម​សាកល្បង !

-​សូម​ពិចារណា​លើ​សំដី​របស់​អ្នក​ម្តង​ទៀត ” មនុស្សក្នុងពិភពលោកភាគច្រើននាំគ្នាប្រើ Windows សួរថាគេនឹងចេះមិនដល់ខ្លួនឬ ???
បានជាខំបង្កើតបកប្រែ (MoonOS) (Suse OS) រួចនាំគ្នាសោយរាជទាំងមិនមានអ្នកគាំទ្រ” ខ្ញុំ​បដិសេធ​ទាំង​ស្រុង​លើ​យោបល់​នេះ!

MoonOS ត្រូវ​បាន​ផ្តួច​ផ្តើម​បក​ប្រែ និង​កែប្រែ ដាក់​បញ្ចូល​កម្មវិធី​បន្ថែម​ដោយក្រុម​ប្អូន​សទ្ធី​ ដែល​ពួក​គាត់​សុទ្ធ​តែជា​អ្នក​វ័យ​ក្មេង​ តែមាន​គំនិត​បង្កើត​កម្មវិធី​សម្រាប់​បង​ប្អូន​ខ្មែរ​ប្រើ​ប្រាស់​ ហើយ​មិន​គិត​ថ្លៃ​ទៀត​​។ វា​ជា​មោទនភាព​មួយ​សម្រាប់​យើង​គ្រប់​គ្នា ដែលមាន​ក្រុម​ការ​ងារ​ស្មគ្រចិត្ត​បង្កើត​វា​ឡើង​ដើម្បី​ប្រទេស​ជាតិ​ទាំង​មូល។  MoonOS ឬ SuSe មិន​ទាន់​ទទួល​បាន​ការ​​គាំ​ទ្រ​ច្រើនពី​អ្នក​ប្រើ​ប្រាស់​ ដោយ​សារ​តែ​ម្នាក់​ៗ​មិន​ទាន់បែង​ចែក​ និង​កំណត់​ពី​តម្រូវ​ការរបស់​ខ្លួន​​អោយ​បាន​ច្បាស់​លាស់។ ឧទាហរណ៍ : តើ​​ក្មេងៗរៀននៅ​វិទ្យា​ល័យ គេ​ត្រូវ​ការ​កុំព្យូទ័រ​ទំហំ​ប៉ុណ្នា​ និង​កម្មវិធីអ្វីខ្លះ​ដើម្បី​បំពេញ​តម្រូវ​ការ​ពួកគាត់​ក្នុង​វ័យ​នោះ ? ពួក​គាត់​ប្រាកដ​ជា​និយាយ​ថា​ត្រូវ​ការ​កុំព្យូទ័រ​ដើម្បីវាយ​ឯកសារ ស្រាវជ្រាវ​ Internet លេង​ Game ចាក់​ចម្រៀង ចាក់​ Video .. មិន​ខាន សួរ​មក​វិញ​ថា​តើ Moon OS ឬ SuSe អាច​ធ្វើ​បាន​ដែរ​ឬទេ​រាល់​តម្រូវ​ការ​ទាំងនោះ?​

ប៉ុន្តែ​សម្រាប់​អ្នក​នៅ​មហាវិទ្យា​ល័យ ឬ​អ្នក​មាន​ជំនាញ​ផ្សេង​ៗ​គ្នា ​ដែល​ត្រូវ​ការ​កុំព្យូទ័រ​ទំហំ​ធំ កម្មវិធី​ល្អ​ៗ​ដូចជា Adobe Illustrator , Autocad.  .. ពួក​គាត់​ប្រាកដ​ជា​ត្រូវ​ចំណាយ​លុយទៅ​ទិញ​ Windows មក​ប្រើ​ហើយ​ទើប​អាច​ដំឡើង​កម្មវិធីទាំង​នោះ​បាន ព្រោះ​ថា​នៅក្នុង​ Linux មិន​មាន​កម្មវិធី​ប្រភេទ​អញ្ចឹង​នៅឡើយ។​ តើ​គាត់​គួរ​ទិញ Windows 7 តម្លៃ ~200 $ និង​ Illustrator តម្លៃ ~200$ មកប្រើដើម្បី​​រក​លុយ ឬ​ត្រូវ​ទៅ​លួច​គេ​មក​ប្រើ​ដើម្បី​រក​លុយ? បើ​សិន​ជា​​ប្រើ​ប្រាស់ក្នុង​គោល​បំណង​សិក្សា​ ឬ​ប្រកប​អា​ជីវកម្ម​ផ្ទាល់​ខ្លួនតូច​តាច​ យើង​អាច​លួច​យក​មក​ប្រើ​បាន ​ព្រោះមិន​ទាន់​មាន​គេ​រក​រឿងនៅឡើយ​ តែ​​បើ​យើង​ជា​បុគ្គលិក​នៅ​ក្នុង​ក្រុម​ហ៊ុនធំៗ​ណាមួយ​ គេ​ហ៊ាន​បង់​ពន្ធ​ជូន​រដ្ឋ​មួយ​ខែ​ៗរាប់​ពាន់​ដុល្លា​ ចុះ​កម្មវិធីដើម្បី​រក​លុយ​ចូល​ក្រុម​ហ៊ុន​តម្លៃ​ត្រឹម 400 ដុល្លា​​ រឿង​អី​គេ​មិន​ហ៊ាន​ចំណាយ។

សរុប​សេចក្តី​មក​ យើង​ទាំងអស់​គ្នា​ជា​ខ្មែរ​គួរ​តែ​ចេះ​គាំ​ទ្រ​ និង​លើក​តម្កើង​លើអ្វី​ដែល​ជា​ស្នា​ដៃ​ខំ​ប្រឹង​ប្រែង​របស់​ខ្មែរ ​ទើប​អ្នក​ដែល​ខំ​បង្កើត​អោយ​ប្រើ​គេ​មាន​កំលាំង​ចិត្ត​បន្ត​ទៅ​មុខ​ទៀត យ៉ាង​ណា​ក៏​ដោយ​សំណូម​ពរ​ដល់​អ្នក​បង្កើត​កម្មវិធីទាំង​ក្នុង​ទូរស័ព្ទ ឬ​កុំព្យូទ័រ​មេត្តា​លក់​ក្នុង​តម្លៃ​មួយ​សម​ស្រប​នឹង​ការ​ចំណាយ​ធន​ធាន​របស់​ខ្លួន​ផង ទើប​ចរាចរណ៍​នៃ​ការ​ទិញ​លក់​កម្មវិធី​ទាំង​នោះ​កើន​ឡើង​ឆាប់​រហ័ស។

បង​ប្អូន​ណា​ស្គាល់​កន្លែង​ទិញ​ថ្ម Laptop តម្លៃសមរម្យ ប្រើ​បាន​យូរ  សូមជួយ​ប្រាប់​ផង!

Or visit the link here

This is not in Cambodia! That address is in Vietnam!

Oracle should say ” If business holder in Cambodia need the nearest official Oracle Service, please contact to above address.”